Заврши огласот за времено ангажирање пожарникари

Четириесет и четири кандидати, меѓу нив и две жени се пријавиле на огласот распишан од општина Куманово и центарот за вработување со кој се бараат 30 невработени лица за заштита и превенција од пожари и заштита и оплеменување на животната средина на локално ниво – пошумување.

„Огласот заврши денеска, а сите пријави ќе бидат испратени во Агенцијата за вработување во Скопје, и таму во соработка со Дирекцијата за заштита и спасување (ДЗС) и Противпожарниот сојуз на Македонија (ПСМ) ќе се направи селекција и избор на кандидатите“, велат надлежните.